မြန်မာ့တပ်မတော်(ရေ)၏ ပထမဆုံးရေငုပ်သင်္ဘောနှင့် ဒေသတွင်း သက်ရောက်မှုများ

Posted on

မြန်မာ့တပ်မတော်(ရေ) ၏ ပထမဆုံးသော ရေငုပ်သင်္ဘောအား အိန္ဒိယနိုင်ငံမှ လွှဲပြောင်းပေးအပ်လိုက်ပြီဟု လွန်ခဲ့သောရက်ပိုင်းခန့်က သတင်းများထွက်ပေါ်လာခဲ့ပါသည်။ အဆိုပါရေငုပ်သင်္ဘောသည် အိန္ဒိယရေတပ်မှအသုံးပြုပြီးသား Project-877 Kilo Class အတန်းအစားရေငုပ်သင်္ဘောတစ်စီးလည်းဖြစ်သည်။ မြန်မာနိုင်ငံသို့ ဒီဇင်ဘာ၂၄ ရက်တွင်ရောက်ရှိလာပြီး တရားဝင်တာဝန်များထမ်းဆောင်မည်ဟု နိုင်ငံတကာလေ့လာသူများမှခန့်မှန်းထားကြပြီး အဆိုပါရေငုပ်သင်္ဘောအား စောင့်ကြည့်သွားမည်ဟု ထိုင်းရေတပ်တာဝန်ရှိသူများမှ ဒီဇင်ဘာလ ၉ ရက်နေ့တွင် ဘန်ကောက်ပို့စ်သတင်းစာသို့ဖြေကြားခဲ့လေသည်။

မြန်မာရေတပ်မှဝယ်ယူထားသော Kilo Class ရေငုပ်သင်္ဘောသည် ရောက်ရှိသည်နှင့် အက်ဒမန်ပင်လယ်အတွင်းသို့ စေလွှတ်မည့်အလားအလာရှိသည်။ ၄င်းသည် မြန်မာနိုင်ငံ၏ အကျိုးစီးပွားအားအားကာကွယ်စောင့်ရှောက်ရန်အတွက်အသုံးပြုလိမ့်မည်ဖြစ်သည်ဟု ထိုင်းရေတပ် တာဝန်ရှိသူများမှ သုံးသပ်ထားကြလေသည်။ မြန်မာရေတပ်သည် လုံခြုံရေးဆိုင်ရာကိစ္စရပ်များနှင့် ရေအောက်စစ်ဆင်ရေးများအတွက် ယခု ရေငုပ်သင်္ဘောကို အက်ဒမန်ပင်လယ်အတွင်း စေလွှတ်မည်ဟု တစ်ထစ်ချယုံကြည်ထားကြသည်။ မြန်မာ့ရေတပ်တာဝန်ရှိသူများသည် ယခုရေငုပ်သင်္ဘောမှာ လေ့ကျင့်ရေးအတွက် အသုံးပြုမည်ဟု တရားဝင်ကြေငြာထားသော်လည်း စစ်ဆင်ရေးဆိုင်ရာကိစ္စရပ်များအတွက် အဆင်သင့်အသုံးပြုနိုင်သော ရေငုပ်သင်္ဘောတစ်စီးဖြစ်လေသည်။

မြန်မာရေတပ်သည် လွန်ခဲ့သော ဆယ်စုနှစ် တစ်ခုကျော်ကာလကတည်းက ရေငုပ်သင်္ဘောပိုင်ဆိုင်ရေးအတွက် ကာလရှည်ကြာအစီအမံများချမှတ်ကာ ကြိုးပမ်းခဲ့ကြသည်။ ရေငုပ်သင်္ဘောသင်တန်းများအတွက် ပြည်ပနိုင်ငံ ငါးနိုင်ငံ ခန့်အထိ သင်တန်းစားများ ဆက်တိုက်စေလွှတ်သွားခဲ့သည်ကိုလည်းလေ့လာတွေ့ရှိရသည်။ အိန္ဒိယ ရုရှားနှင့် တရုတ်နိုင်ငံများ၏ ရေငုပ်သင်္ဘောသင်တန်းကျောင်းများနှင့် အများဆုံးပူပေါင်းဆောင်ရွက်မှုရှိခဲ့သည်။ ရေတပ်ချင်းပူးပေါင်းဆောင်ရွက်မှုများစွာလည်းရှိသောနိုင်ငံများဖြစ်သောကြောင့် သင်တန်းများအဆင့်ဆင့်စေလွှတ်ရာတွင် ပြသနာများစွာမရှိခဲ့ပေ။ ထို့အတူ ပြည်တွင်းမှာလည်း ရေငုပ်သင်္ဘောထားရှိရန် အခြေခံအဆောက်အဦးများပြင်ဆင်ခြင်း ဆိုက်ကပ်ရန်ဆိပ်ခံတံတားများတည်ဆောက်ခြင်းတို့ကို ပြုလုပ်ခဲ့သည်။ အတည်မပြုနိုင်သောသတင်းများအရ ရေငုပ်သင်္ဘောအား အပေါ့စားလွန်းတင်ပြင်ဆင်နိုင်ရန်အထိလည်း ကြိုးစားနေကြောင်းသိရသည်။

လွန်ခဲ့သော နှစ်နှစ်ခန့်က အိမ်နီးချင်း ဘင်္ဂလားဒေ့ရ်ှနိုင်ငံသည် တရုတ်နိုင်ငံမှ အသုံးပြုပြီးသား Ming Class အတန်းအစား ဒီဇယ်အီလက်ထရစ် ရေငုပ်သင်္ဘောနှစ်စီးအားပိုင်ဆိုင်ခဲ့သည်။ ထို့နောက်တွင် ထိုင်းရေတပ်မှလည်း တရုတ်နိုင်ငံထုတ် ရေငုပ်သင်္ဘောဖြစ်သော Yuan အတန်းအစားရေငုပ်သင်္ဘောတစ်စီးအား မှာယူထားပြီဖြစ်သည်။ ထို့ကြောင့်မြန်မာရေတပ်အနေဖြင့် ပိုင်နက်အကျိုးစီးပွားအားကာကွယ်ရန်အတွက် ရေငုပ်သင်္ဘောတပ်ဖွဲ့အားတပ်ဖြန့်သွားရန်အတွက် ကြိုးပမ်းမှုများသည် ယခုအခါ အကောင်အထည်ပေါ်ခဲ့ပြီဖြစ်သည်။

မြန်မာ့ရေပြင်သည် အရှေ့တောင်အာရှဝင်ပေါက်နှင့်ဆက်စပ်တည်ရှိနေသောကြောင့် အရေးပါသောနယ်မြေဖြစ်သည်။ အက်ဒမန်ပင်လယ်အတွင်းတွင် မြန်မာရေငုပ်သင်္ဘောတစ်စီးရှိနေခြင်းသည် အိမ်နီးချင်းများအတွက်အချက်ပေးခေါင်းလောင်းသံကဲ့သို့ဖြစ်ပြီး သတိထားစောင့်ကြည့်ရမည့်အခြေအနေလည်းဖြစ်သည်။ ထို့အပြင် ထိုင်းရေတပ်၏ ရေတပ်စီမံခန့်ခွဲမှုဌာန၏ ညွှန်ကြားရေးမှူးချုပ်ဖြစ်သူ Voice Admiral Prachacart ၏ပြောကြားချက်အရ မြန်မာရေတပ်သည် နောင်လာမည့် နှစ်အနည်းငယ်အတွင်း ပိုမိုအဆင့်မြင့်သော Improved Kilo ရေငုပ်သင်္ဘောများအား ရုရှားနိုင်ငံထံမှ ဝယ်ယူသွားနိုင်ချေလည်းများစွာရှိသည်ဟု ဘန်ကောက်ပို့စ်တွင်ဖော်ပြထားလေသည်။

ယခုအိန္ဒိယနိုင်ငံထံမှဝယ်ယူထားသော ရေငုပ်သင်္ဘောသည် Project-877 အတန်းအစား ရေငုပ်သင်္ဘောဖြစ်သည်။ အိန္ဒိယနိုင်ငံတွင် နှစ်ပေါင်းများစွာ တာဝန်ထမ်းဆောင်ထားသောရေငုပ်သင်္ဘောဖြစ်သည်။ မြန်မာရေတပ်မှ Training အတွက်အဓိကအသားပေး အသုံးပြုရန်ရည်ရွယ်သည်ဟုဆိုသော်လည်း ရေငုပ်သင်္ဘော၏ မခြေအနေအရ လေ့ကျင့်ရေးရည်ရွယ်ချက်ထက်ပိုမိုသာလွန်ပေသည်။

Kilo ရေငုပ်သင်္ဘောတစ်စီးသည် ရေအောက်ထဲတွင် အချိန် နှစ်ပါတ်ခန့်အထိ နေထိုင်စစ်ဆင်နိုင်လေသည်။ ၄င်းသည်ဆိုဗီယက်ခေတ်ဟောင်းရေငုပ်သင်္ဘောဖြစ်သော်လည်း ရေအောက်ခရီးသွားလာနိုင်စွမ်းနှင့် ရေငုပ်နိုင်စွမ်းတို့တွင် ဘင်္ဂလားဒေ့ရှ်၏ Ming ရေငုပ်သင်္ဘောထက် အဆမတန်သာလွန်ပြီး ထိုင်းရေတပ်မှအသုံးပြုမည့် Yuan ရေငုပ်သင်္ဘောအားတန်းတူယှဉ်ပြိုင်နိုင်လေသည်။ ထို့အပြင် အဆင့်မြှင့်တင်မှုများစွာပြုလုပ်ထားပြီး ခေတ်မီ ဆိုနာကိရိယာများပေါင်းစပ်တပ်ဆင်ထားသောကြောင့် ရေအောက်စစ်ဆင်ရေးများအား အင်ပြည့်အားပြည့်ပြုလုပ်နိုင်စွမ်းရှိလေသည်။ ပြိုင်ဘက်တို့ သတိထားစေလောက်သော အဓိကအချက်မှာ ယခု Kilo ရေငုပ်သင်္ဘောသည် သင်္ဘောဖျက်ဒုံးပျံများသာမက မြေပြင်ပစ်ဒုံးပျံများကိုပါ ပစ်ခတ်နိုင်စွမ်းရှိလေသည်။ အဆိုပါစွမ်းဆောင်ရည်မှာ အသုံးပြုသူအပေါ်မူတည်ပြီး ပြိုင်ဘက်ရေတပ်များအပေါ်သက်ရောက်မှုကြီးမားနိုင်သောကြောင့် သတိထားစောင့်ကြည့်သွားမည်ဟု ထိုင်းရေတပ်တာဝန်ရှိသူများမှပြောကြားခြင်းဖြစ်လေသည်။

မည်သို့ပင်ဆိုစေ ရေအောက်အသံတိတ်စစ်ဆင်ရေးများတွင် ဂုဏ်သတင်းကြီးမားလှပြီး ကမ္ဘာ့ထိပ်သီးနိုင်ငံကြီးများ၏ စောင့်ကြည့်မှုကိုပင် ခံရလေ့ရှိသော Kilo ရေငုပ်သင်္ဘောတစ်စီးသည်မြန်မာ့ရေတပ်အတွက် မကြာမီ စတင်တပ်တော်ဝင်အသုံးပြုနိုင်တော့မည်ဖြစ်သည်။ အင်တာနက်သတင်းများအရ ၄င်းသင်္ဘောသည် တပ်မတော်(ရေ) ၏ နှစ်ပါတ်လည်နေ့တွင် အခမ်းအနားဖြင့် တပ်တော်ဝင်မည်ဟုလည်း ထင်ကြေးပေးခန့်မှန်းနေကြလေသည်။

ဇွဲထွဋ်ဦး

ref:TheFifthWaveNews