လန်ဒန်မြို့တော် ကော်ပိုရေးရှင်း (City of London Corporation) က ဒေါ်အောင်ဆန်းစုကြည်ထံမှ ဂုဏ်ထူးဆောင် လွတ်လပ်မှုဆုကို ပြန်ရုပ်သိမ်းရန် မဲပေးဆုံးဖြတ်

လန်ဒန်မြို့တေ်ာ်ကော် ပိုရေးရှင်း (City of London Corporation) ၏ ကောင်စီဝင်များ သည် ဒေါ်အောင်ဆန်းစုကြည် ထံမှ ဂုဏ်ထူးဆောင် လွတ်လပ်မှုဆုကို ပြန်ရုပ်သိမ်းရန် မဲပေးဆုံးဖြတ်ခဲ့ကြောင်း သိရသည်။ မြန်မာနိုင်ငံတွင် ဘင်္ဂါလီ (မူရင်း၌ ရိုဟင်ဂျာ ဟုဖော်ပြ) မွတ်စလင်များအပေါ် ကျူးလွန်သည့် ရက်စက်ကြမ်းကြုတ်မှုများကို ပြစ်တင်ရှုတ်ချရန် ပျက်ကွက်ခဲ့သည့်အတွက် ယခုကဲ့သို့ ပြန်ရုပ်သိမ်းရခြင်းဖြစ်ကြောင်း သိရသည်။

ဇန်နဝါရီ ၁၀ ရက်တွင် ကော်ပိုရေးရှင်း၏ အဓိက ဥပဒေပြုအဖွဲ့ဖြစ်သော ကောင်စီ ခုံရုံးက ပေါ့ဆိုကင်မှ ကိုယ်စားလှယ် မန်ဆာအလီ၏ အဆိုပြုချက်ကို မဲခွဲဆုံးဖြတ်ရာ အနိုင်ရရှိခဲ့ခြင်းဖြစ်သည်။ ယင်းသည် ကော်ပိုရေးရှင်း၏ ဆုပြန်လည်ရုပ်သိမ်းရေးလုပ်ငန်းစဉ် စတင်မှုလည်းဖြစ်ကြောင်း သိရသည်။

အလီက ဒေါ်အောင်ဆန်းစုကြည်သည် လူမျိုးတုံးသတ်ဖြတ်မှု ဖြစ်ပွားသည်ကို ထုတ်ဖော်ပြောဆိုရန်နှင့် အသိအမှတ်ပြုရန် ပျက်ကွက်ခဲ့သည့်အတွက် ဂုဏ်ပြုဆုတံဆိပ်နှင့် ထိုက်တန်ခြင်း မရှိကြောင်း အဆိုပြုခဲ့သည်။

လန်ဒန်မြို့တော်ကော်ပိုရေးရှင်းသည် ၂၀၁၇ ခုနှစ် မေလတွင် ဒေါ်အောင်ဆန်းစုကြည်အား ဂုဏ်ထူးဆောင် လွတ်လပ်မှုဆုတံဆိပ်ကို ချီးမြှင့်ခဲ့ခြင်းဖြစ်သည်။ ကော်ပိုရေးရှင်း၏ အမြင့်ဆုံး ဂုဏ်ထူးဆုတံဆိပ်သည် လူပုဂ္ဂိုလ်တစ်ဦးအား ချီးမြှင့်နိုင်သည့် ဆုတံဆိပ်ဖြစ်ပြီး ဒေါ်အောင်ဆန်းစုကြည်အနေဖြင့် နှစ်ပေါင်းများစွာကြာအောင် အကြမ်းမဖက်ဘဲ ဒီမိုကရေစီအတွက် လှုပ်ရှားခဲ့မှုကို အသိအမှတ်ပြုခြင်းနှင့် ပြည်သူလူထုအနေဖြင့် ငြိမ်းချမ်းစွာ ဘေးကင်းလုံခြုံစွာနှင့် လွတ်လပ်စွာ နေထိုင်နိုင်သော လူ့အဖွဲ့အစည်းတစ်ရပ်ကို ဖန်တီးရေး၌ သူ၏ ခိုင်မာစွာ ပါဝင်ခဲ့မှုကို အသိအမှတ်ပြုခြင်းတို့အတွက် ချီးမြှင့်ခဲ့ခြင်းဖြစ်ကြောင်း ကော်ပိုရေးရှင်းသည် ထိုစဉ်က ပြောကြားခဲ့သည်။

သို့သော် သောင်းနှင့်ချီသော လူအများ သေကျေခဲ့ပြီး သိန်းနှင့်ချီသောလူများ ထွက်ပြေးခဲ့ရသည့် ရခိုင်ပြည်နယ်တွင် ဘင်္ဂါလီမွတ်စလင်များအပေါ် တပ်မတော်က ရက်စက် ကြမ်းကြုတ်မှုများ ပြုလုပ်ခြင်းကို ထုတ်ဖော် ပြောဆိုရန် သို့မဟုတ် ပြစ်တင်ရှုတ်ချရန် ပျက် ကွက်ခဲ့မှုနှင့်ပတ်သက်၍ အောက်စဖို့ဒ်နှင့် ဒဗ္ဗလင်မြို့များအပါအဝင် မြို့တော်ကောင်စီများစွာက ဒေါ်အောင်ဆန်းစုကြည်ထံမှ ဂုဏ်ပြုဆုတံဆိပ်များကို ပြန်လည်ရုပ်သိမ်းခဲ့ကြသည်။

လန်ဒန်မြို့တော်ကောင်စီ၏ အစည်းအဝေးတွင် ယခုအဆိုပြုချက်အား ကန့်ကွက်ခဲ့သည့် ကောင်စီဝင် ဂျေမီအင်ဟမ်းကလက်က သူသည် ရိုဟင်ဂျာတို့၏ အတိဒုက္ခကို စာနာသော်လည်း “ကျွန်တော်တို့ဟာ ရေရှည်ကို ကြည့်ရတဲ့ အင်စတီကျူးရှင်းတစ်ခုဖြစ်တာမို့ ကော်ပိုရေးရှင်းအနေနဲ့ ပေါ်ပင်နိုင်ငံရေးမှာ ဝင်ပါဖို့ မသင့်ဘူး” ဟု ပြောကြားခဲ့သည်။

ကွင်းဟီသဲကောင်စီဝင် ဘရိုင်ယင်မိုးနေးက ကော်ပိုရေးရှင်းသည် လက်ရှိအချိန်၌ ကောင်စီဝင်များ ချမှတ်လိုက်သည့် ဆုံးဖြတ်ချက်များအတိုင်းနှင့် ဆုံးဖြတ်ချက် ချမှတ်သည့်အနေအထားများအတိုင်း ရပ်တည်ရ မည်ဖြစ်ကြောင်း ပြောကြားခဲ့သည်။ ၎င်းက “ကျွန်တော်တို့အနေနဲ့ ရေရှည်ကို ကြည့်ရတဲ့အခါ သတင်းခေါင်းစီးဖြစ်မယ့် ဆုံးဖြတ်ချက်တွေဆီကို ခုန်ကျော်ဖို့ ထိုက်တန်တယ်လို့ ထင်ပါတယ်” ဟု ပြောကြားခဲ့သည်။

သို့သော် မူဝါဒနှင့် ရင်းမြစ်များဆိုင်ရာ ကော်မတီ ဒုတိယဥက္ကဋ္ဌ တွမ်စလေးက ကော်ပိုရေးရှင်းသည် ဒေါ်အောင်ဆန်းစုကြည်အား မြင်မြင်ချင်း ဆုပေးလိုက်ခြင်းက အမှားတစ်ခု ပြုလုပ်လိုက်ခြင်းဖြစ်သည်ကို ဝန်ခံသင့်သည် ဟု ပြောကြားခဲ့သည်။

“ဒါဟာ ပေါ်ပင်နိုင်ငံရေးဆိုရင် မြင်မြင်ချင်းပဲ ဆုပေးလိုက်တာမျိုးပဲ ဖြစ်မှာပါ” ဟု ပြောကြားခဲ့သည်။

လန်ဒန်မြို့တော် ကော်ပိုရေးရှင်း၏ ပြောရေးဆိုခွင့်ရှိသူတစ်ဦးက “ဒီနေ့ ကောင်စီ ခုံရုံးက ရွေးကောက်တင်မြှောက်ခံ အဖွဲ့ဝင်တွေဟာ ဒေါ်အောင်ဆန်းစုကြည်ရဲ့ ဂုဏ်ထူးဆောင် လွတ်လပ်မှု ဆုတံဆိပ်ကို ပြန်ရုပ်သိမ်းနိုင်ဖို့ လုပ်ငန်းစဉ်အစကို မဲပေးအတည်ပြုနိုင်ခဲ့ပါတယ်” ဟု ပြောကြားခဲ့သည်။

လွတ်လပ်မှုဆုတံဆိပ် ရွေးချယ်ရေးကော်မတီဟာ အခုတော့ ဆုတံဆိပ်ပြန်လည်ရုပ်သိမ်းဖို့ အဆိုပြုချက်ကို လက်ခံလိုက်တဲ့အကြောင်း ဒေါ်အောင်ဆန်းစုကြည်ထံ စာရေး အကြောင်းကြားပါမယ်။ နောက်ဆုံး ဆုံးဖြတ်ချက်မချမီမှာ သူ့ရဲ့ တုံ့ပြန်မှုကို စဉ်စားသွားပါမယ်” ဟု ၎င်းက ပြောကြားခဲ့သည်။

လန်ဒန်မြို့တော် ကော်ပိုရေးရှင်းသည် မြန်မာနိုင်ငံတွင် ကျူးလွန်ခဲ့သည့် လူသားချင်း စာနာထောက်ထားမှုဆိုင်ရာ မတော်မတရားမှုများကို ပြစ်တင်ရှုတ်ချခဲ့ပြီး မြန်မာနိုင်ငံဆိုင်ရာ သံအမတ်ထံသို့ မြန်မာနိုင်ငံ၏ လက်ရှိအခြေအနေနှင့် ပတ်သက်၍ အကြီးအကျယ်စိုးရိမ်မိကြောင်း စာရေးသားပေးပို့ခဲ့ပြီးလည်း ဖြစ်ကြောင်း သိရသည်။

credit:Eleven media

Leave a Reply

Your email address will not be published. Required fields are marked *