Local News

မြန်မာနိုင်ငံပိုင် Myanmar Sat – 2 ဂြိုဟ်တုအား ဇွန်လမှာ အာကာသထဲသုို့  လွှတ်တင်မည်

မြန်မာနိုင်ငံပိုင် ဂြိုဟ်တုစနစ် တည်ထောင်နိုင်ဖို့ အဆင့် (၃) ဆင့်နဲ့ ဆောင်ရွက်နေပြီး ပထမအဆင့်အနေနဲ့ အခြားနိုင်ငံက ပိုင်တဲ့ ဂြိုဟ်တုထရန်စပွန်ဒါကို ငှားရမ်းကာ ငွေပေးချေတဲ့ စနစ်နဲ့ လက်ရှိ MyanmarSat-1 ကို ငှားရမ်းအသုံးပြု ဆောင်ရွက်နေတယ်လို့ ဒုသသမ္မတက ပြောပါတယ်။

ဒုတိယအဆင့်အနေနဲ့ ၂၀၁၈ ဇွန်လ ၁ ရက်က သတင်းအချက်အလက် နည်းပညာနှင့် ဆိုက်ဘာလုံခြုံရေး ဦးစီးဌာနနဲ့ Intelsat Global Sales & Marketing ကုမ္ပတို့ သဘောတူစာချုပ်ချုပ်ဆိုကာ စုစုပေါင်း အမေရိကန် ဒေါ်လာ ၁၅၅ ဒသမ ၇ သန်း ကုန်ကျမယ့် အချိုးကျ ပူးတွဲပိုင်ဆိုင်မယ့် MyanmarSat – 2 ဂြိုဟ်တုကို ၂၀၁၉ ဇွန်လထဲမှာ အာကာသထဲသို့ လွှတ်တင်မှာ ဖြစ်ပြီး ၂၀၁၉ စက်တင်ဘာလလယ်မှာ နည်းပညာအသစ်တွေ စတင် အသုံးပြုနိုင်မယ်လို့ ဒုသမ္မတ ဦးမြင့်ဆွေက ပြောပါတယ်။

ကိုယ်ပိုင်ဂြိုဟ်တု လွှတ်တင်နိုင်ပါက လက်ရှိအသုံးပြုနေတဲ့ MyanmarSat-1 ဂြိုဟ်တု အတွက် ငှားရမ်းခငွေပေးချေဖို့ မလိုတော့ပါကြောင်း၊ မြန်မာနိုင်ငံအနေနဲ့ C-Band လိုင်းအင်အား ၄၃၂ MHz နဲ့ Ku-Band လိုင်းအင်အား ၄၃၂ MHz တို့ကို အသုံးပြုနိုင်မှာ ဖြစ်ကြောင်း၊ သက်ဆိုင်ရာ ဝန်ကြီးဌာနတွေအနေနဲ့လည်း ဂြိုဟ်တု Channel ငှားရမ်းခ နိုင်ငံခြားငွေပေးချေမှု သက်သာစေဖို့နဲ့ ပညာရေး၊ ကျန်းမာရေးအပါအ၀င် အခြားကဏ္ဍတွေမှာ အကျိုးရှိစွာ အသုံးပြုနိုင်စေမှာဖြစ်တယ်လို့လည်း ဆိုပါတယ်။

တတိယအဆင့်အနေနဲ့ မြန်မာနိုင်ငံက အလုံးစုံပိုင်ဆိုင်တဲ့ ကိုယ်ပိုင်ဂြိုဟ်တု လွှတ်တင်ဖို့ ဆောင်ရွက်သွားဖို့ ရှိနေတယ်လို့လည်း ဒုသမ္မတရဲ့ ပြောကြားချက်အရ သိရပါတယ်။

ဒါ့အပြင် မြန်မာနိုင်ငံမှာ ပထမဆုံး Space Agency ထူထောင်နိုင်ဖို့ ပြင်ဆင်ကြဖို့နဲ့ Space Law တွေ စုဆောင်းပြင်ဆင်ထားကြဖို့လည်း ဒုသမ္မတက တိုက်တွန်းပြောသွားပါတယ်။

ဒုသမ္မတ ဦးမြင့်ဆွေဦးဆောင်တဲ့ မြန်မာနိုင်ငံပိုင် ဂြိုဟ်တုစနစ် တည်ထောင်ရေး ဦးဆောင်ကော်မတီကို ၂၀၁၇ ခုနှစ် ဇန်နဝါရီလ ၂၅ ရက်က အဖွဲ့ဝင် ၁၃ ဦးနဲ့ နိုင်ငံတော်သမ္မတက ဖွဲ့စည်းတာဝန်ပေးထာတာပါ။

မနေ့က နေပြည်တော်မှာ ကျင်းပတဲ့ အစည်းအဝေးကို မြန်မာနိုင်ငံပိုင် ဂြိဟ်တုစနစ် တည်ထောင်ရေး လုပ်ငန်းကော်မတီ ဥက္ကဋ္ဌ ပြည်ထောင်စုဝန်ကြီး ဦးသန့်စင်မောင်နဲ့ ဦးဆောင်ကော်မတီဝင်တွေဖြစ်တဲ့ ပြည်ထောင်စု ၀န်ကြီး ဒုဗိုလ်ချုပ်ကြီးကျော်ဆွေ၊ ဒုဗိုလ်ချုပ်ကြီးစိန်ဝင်း၊ ဦးကျော်တင့်ဆွေ၊ ဦးအုန်းဝင်း၊ ဒေါက်တာ မျိုးသိမ်းကြီး စသူတွေ တက်ရောက်ခဲ့ကြတယ်လို့ အစိုးရသတင်းစဉ်မှာ ဖော်ပြပါတယ်။

ဓာတ်ပုံ-MOI

ref:xyznews.co

About the author

လက်ခတ်သံ