Knowledge

အလီကိုဟင်(သို့မဟုတ်) နှစ်ယောက် မရှိသော အစ္စရေးသူလျို

အလီကိုဟင်ဆိုသော အမည်ကိုဆီးရီးယားတို့ မမေ့သေး အထူးသဖြင့် ဆီးရီးယား စစ်ဘက်ခေါင်းဆောင် များမမေ့သေး ဒီနာမည်ကြားယုံနှင့် ဆီးရီးယားတို့အသည်းတဆတ်ဆတ်နာသည်။

သူကား အလီကိုဟင်
သူကဘယ်သူလဲ————-

၁၉၂၄ ခုနှစ်တွင် အလီကိုဟင်ကို အီဂျစ်နိုင်ငံ အလက်ဇဒြီးယားမြို့တွင်အီဂျစ်နိုင်ငံသား ဂျူးလူမျိုး မိခင်နှင့်ဖခင်တို့မှ မွေးဖွားခဲ့ကာ သူ့ငယ်စဉ်အိမ်မက် က ဂျူးအမျိုးသားတို့ ကိုယ်ပိုင် နိုင်ငံပိုင်ဆိုင်ရေးဇီယွန် ဂျူးအမျိုးသားရေးဝါဒီအိမ်မက်။

၁၉၄၇တွင်အလက်ဇဒြီးယားတက္ကသိုလ်တွင် အီလက်ထရောနစ်အင်ဂျင်နီယာ ဘာသာရပ် ဖြင့် တက်ရောက်ခဲ့ကာ ငယ်စဉ်ကတည်းက အတန်းဖော် မွတ်ဆလင်အီဂျစ်ကျောင်းသားများ၏ ဖိနှိပ်မှုကိုခံစားခဲ့ရသည်။ ထိုစဉ်ကတည်းက အလီကိုဟင်သည် ဂျူးနိုင်ငံရရှိရေး ဂျူးအမျိုးသားရေးဝါဒ ဇီယွန်ဝါဒီတစ်ဦးဖြစ်လာခဲ့သည်။

အစ္စရေးနိုင်ငံပေါ်ပေါက်လာပြီးနောက်ပိုင်း မိဘများသည် အစ္စရေးသို့ပြောင်းရွှေ့သွားကြသော်လည်း ကိုဟင်သည်ကျောင်းပီးသည်အထိ အီဂျစ်တွင် နေခဲ့ကာ အီဂျစ်နိုင်ငံတွင်းရှိ ဂျူးအမျိုးသားများ အစ္စရေးသို့ပြောင်းရွှေ့နိုင်ရေး အတွက် မြေအောက်လှုပ်ရှားမှုများကို အားကျိုးမာန်တက်ဆောင်ရွက်ခဲ့သည်။ ၁၉၅၁တွင် အီဂျစ်နိုင်ငံတွင် ဗိုလ်ချုပ်ကြီး အန်ဝါဆာဒတ် စစ်အာဏာသိမ်းမှု ပေါ်ပေါက်လာကာ ဇီယွန်လှုပ်ရှားမှုများကို အပြင်းအထန်နှိပ်ကွပ်ခဲ့ရာ ဂျူးအများအပြားဖမ်းဆီးခံရကာ အလီကိုဟင်သည်လည်းဖမ်းဆီးခံခဲ့ရသည်။

၁၉၅၅ခုနှစ်တွင် အီဂျစ်နိုင်ငံတွင်းရှိ ဂျူး အမျိုးသားများနှင့် အစ္စရေးလျို့ဝှက်ရဲတပ်ဖွဲ့တို့ပူးပေါင်းဖွဲ့စည်းခဲ့သော ဖျက်ဆီးသုတ်သင်ရေး တပ်ဖွဲ့တွင် ပါဝင်ခဲ့သည် ။ အဖွဲ့၏ရည်ရွယ်ချက်မှာ အီဂျစ်နိုင်ငံနှင့် အမေရိကန် ပြည်ထောင်စု ဗြိတိသျှ နိုင်ငံတို့ ဆက်ဆံရေးပျက်ပြားစေရန်အတွက် အနောက်တိုင်းသားတို့ကိုပစ်မှတ်ထားကာ အီဂျစ်အစွန်းရောက်များယောင်ဆောင်ကာ တိုက်ခိုက်ဖျက်ဆီးရန်ဖြစ်သည်။

၎င်းတို့သည် အီဂျစ်နိုင်ငံဆိုင်ရာ ဗြိတိသျှကောင်စစ်ဝန်ကို လုပ်ကြံသတ်ဖြတ်ခဲ့ကာ ကိုင်ရိုမြို့ရှိအမေရိကန် ကော်ဖီဆိုင်များအားဗုံးခွဲခြင်း တိုက်ခိုက်ခြင်းများဆောင်ရွက်ခဲ့သည်။ အီဂျစ်တန်ပြန်ထောက်လှမ်းရေးမှ ရိပ်မိလာချိန် ၁၉၅၇ခုနှစ်တွင် ကိုဟင်သည် အစ္စရေးသို့ ပြန်လာခဲ့တော့သည်။

သူလျိုဘ၀

အစ္စရေးတပ်မတော်သို့ဝင်ရောက်ခဲ့ကာ စစ်ထောက်လှမ်းရေးဌာနတွင် မဟာဗျူဟာ လေ့လာသုံးသပ်သူတာဝန်ထမ်းဆောင်ခဲ့ရာ ငြီးငွေ့ လာသဖြင့် အစ္စရေးထောက်လှမ်းရေးတပ်ဖွဲ့ မော့ဆက်သို့ ၀င်ရောက်နိုင်ရန်ကြိုး ပမ်းခဲ့သည်။

အဆင့်ဆင့်သော စစ်ဆေးမှုများခံယူပြီးနောက် မော့ဆက်ညွှန်ကြားရေးမှုး မီယာအမစ်သည် ကိုဟင်အား ဆီးရီးယားစစ်ဆင်ရေးအတွက် အသုံးပြုရန်ဆုံးဖြတ်ခဲ့သည်။ ၆လကြာပြင်းထန်သော သင်တန်းများကိုဖြတ်ကျော်ပြီးနောက် ကိုဟင်သည် စစ်ဆင်ရေးအတွက် အသင့်ရှိနေချေပြီ။

အာရပ်လူမျိုး တို့နှင့် ရုပ်ဆင်သော ကိုဟင်အား အာဂျင်တီးနား နိုင်ငံဖွားဆီရီးယားလူမျိုး စီးပွားရေးသမားတစ်ဦးအဖြစ် ကိုဟင်အား ပုံသွင်းခဲ့ကာ ၁၉၆၁ခုနှစ်တွင်အာဂျင်တီးနားနိုင်ငံတွင် စီးပွားရေးလုပ်ငန်းတစ်ခုတည်ထောင်လုပ်ကိုင်စေခဲ့သည်။

၁၉၆၂ ခုနှစ်တွင် ပြည်တော်ပြန်ဆီးရီးယား လုပ်ငန်းရှင် ကာမေးအာမင်သဘက် အဖြစ်နှင့် ဆီးရီးယားနိုင်ငံ ဒမတ်စကပ် သို့ရောက်ရိလာခဲ့သည်။ အဆိုပါ ကာမေးအာမင်သည် ၁၉၂၄တွင် ဆီးရီးယားနိုင်ငံတွင် မွေးဖွားကာ အာဂျင်တီးနားနိုင်ငံသို့ရွှေ့ပြောင်းသွားသော သူအဖြစ် ဆီးရီးယား လ၀က တွင် စားရင်းသွင်းနိုင်သည်အထိ မော့ဆက်တို့စွမ်းဆောင်ခဲကြသည်။

ကိုဟင်သည်ဆီးရိးယားရေပေါ်ဆီလောကတွင် ငွေကြေးမြောက်များစွာသုံးစွဲကာ ဆီးရီးယားစစ်ဘက်ခေါင်းဆောင်များ ၀န်ကြီးများ နိုင်ငံရေးသမား များနှင့်ပေါင်းသင်းခဲရာ ဆီးရီးယားအထက်တန်းလွှာတွင်ချမ်းသာသော ရုပ်ရည်ချောမောသော ဆက်ဆံရေးကောင်းမွန်သောရက်ရောသော လူငယ်စီးပွားရေးသမားတစ်ဦးအဖြစ်ပျိုတိုင်းကြိုက်သော နှင်းဆီခိုင်ဖြစ်လာသည်။

အထူးသဖြင့် အလားလာကောင်းသောနိုင်ငံရေးသမားဖြစ်သည့် အမင်အယ်လ်ဟာဖစ်နှင့် အလွန်နီးကပ်သောဆက်ဆံရေးရှိခဲ့ကာ လူယုံအနေအထားမျိုးအထိ ရောက်ရှိခဲ့သည်။ ထိုအချိန်ထိ ကိုဟင်သည် သူလျိုလုပ်ငန်းကိုစတင်ခဲ့ခြင်းမရှိသေးပါ။

ဒမက်စကပ်မြို့ရှိခန်းနားလှသောနေအိမ်တွင် ပါတီပွဲများပေးခြင်းစစ်ဘက်အရာရှိများအား အပျော်ရှာပေးခြင်း စသည့် တို့ဖြင့် စစ်ဘက်နိုင်ငံရေးလောကနှင့်နီးစပ်သည့် ဆီးရီးယားခရိုနီ တစ်ဦးအသွင်ယူခဲ့ပါသည်။

၁၉၆၃ခုနှစ်မှ စတင်ကာ စစ်ဘက်နိုင်ငံရေးသတင်းအချက်အလက်များအား စတင်စုဆောင်းကာ မိခင်နိုင်ငံသို့ပေးပို့တော့သည်။ ၁၉၆၃ခုနှစ်တွင် အစ္စရေးနိုင်ငံအား အဓိက ခြိမ်းခြောက်နေသော ဂိုလန်ခံစစ်စခန်းများ အမြောက်စခန်းများ၊ ဒုံးပျံစခန်းများ အား လေ့လာခွင့်ရရှိခဲ့ကာ ပုံစံများတည်နေရာများ လက်နက်တပ်ဆင်ထားမှု အချက်အလက်အသေးစိတ်များအား ပေးပို့နိုင်ခဲ့ကာ အဆိုပါခံစစ်စခန်းများအား အစ္စရေးလေတပ်မှ အတိအကျ ချေမှုန်းနိုင်ခဲ့သည်။

ကိုဟင်နှင့်ရင်းနှီးသော အယ်လ်ဟာဖစ် ဆီးရီးယားဝန်ကြီးချုပ် ဖြစ်လာပီးနောက်ပိုင်းကိုဟင်အားကာကွယ်ရေးဝန်ကြီး ခန့်အပ်ရန်လျာထားခဲ့သည်အထိ အောင်မြင်ခဲ့သည်။သို့သော်လည်းဆီးရိးယားတွင်ကိုဟင်အား မယုံကြည်သူတစ်ဦး ရှိနေခဲ့သည်။ သူကားဆီးရီးယား စစ်ထောက်လှမ်းရေးအကြီးအကဲ ဗိုလ်မှူးကြီး အာမက်ဆူဒါနီ…။ သူသည်ကိုဟင်အား အမြဲတစေ မသကာင်္ ဖြစ်ခဲ့သည် ။

ဂိုလန်ကုန်းမြင့်ဗုံးကြဲခံရပြီးနောက်ပိုင်း ပိုမိုစောင့်ကြည့်မှုများပြုလုပ်ခဲ့ကာ ဆိုဗီယက်နိုင်ငံမှ အသံလှိုင်း အာရုံခံ ကိရိယာများငှားရမ်းကာ ကိုဟင် နေထိုင်သည့် နေအိမ်အနီးလျို့ဝှက်စွာတပ်ဆင် ထောက်လှမ်းရာမှ ရေဒီယို အသံလှိုင်းမှတဆင့်ခြေရာခံကာ ၁၉၆၅ မေလ ၁၀၇က်နေ့တွင် ကိုဟင်၏ သူလျိုဇတ်လမ်း ကိုဖော်ထုတ်နိုင်ခဲ့သည်။ သို့သော်လည်း ဆီးရီးယား ၏စစ်ဘက်ဆိုင်ရာလျို့ဝှက်ချက်များ အားလုံးမှာ အစ္စရေးတို့လက်ထဲ ကျရောက်ခဲ့ချေပြီ။

၁၉၆၅ မေလ ၁၈ရက်နေ့တွင် ဒမတ်စကပ်ရင်ပြင်တွင် ကိုဟင်အား ကြိုးပေးကွပ်မြက်ခဲ့သည်။ မော့ဆက်သည် ကိုဟင်အားကယ်ဆယ်ရန် နောက်ဆုံးအချိန်ထိ သံတမန်ရေး အရ ကြိုးစားခဲ့သော်လည်း မအောင်မြင်ခဲ့ပါ။ စစ်ရေးအရ၀င်ရောက်ကယ်ဆယ်ရန် စဉ်းစားခဲ့သော်လည်းနိုင်ငံရေးသမားအချို့၏ကန့်ကွက်မှုကြောင့်မအောင်မြင်ခဲ့ပါ။

ကိုဟင်သည်နောက်ဆုံးအချိန်တွင်သူ၏ ဇနီးသည် နာဒီထံသို့အောက်ပါအတိုင်းပြောကြား သွားခဲ့ပါသည်-

အချစ်ဆုံးနာဒီ ငါမပါပဲ မင်းဘ၀အစိတ်အပိုင်းတချို့ကိုတကိုယ်တည်းဖြတ်ကျော်ခဲ့ရတဲ့အတွက် တောင်းပန်ပါတယ်။ ရှေ့ဆက်မဲ့အနာဂတ်အတွက် အားမွေးထားပါ နာဒီ။ သားနဲ့သမီးကိုစောင့်ရှောက်ပါ။

သူ၏ဇနီးသည် ထိုအချိန်မှသူ၏ယောကျာင်္းသည် မော့ဆက်သူလျိုဖြစ်မှန်း သိခဲ့ရတော့သည်။

(နိုင်ငံအတွက်လူသိမခံရပဲပေးဆပ်နေရသော ကိုဟင်လိုလူမျိုး အများအပြားပါ)

(ကြယ်နီ)

credit:သုတဇုန်

About the author

လက်ခတ်သံ