“အချင်းချင်းအပြုတ် တိုက်မည် အပြတ်ရှင်းမည် ဆိုပြီး လုပ်ဆောင်ခဲ့ကြသည်မှာ မြန်မာ့နိုင်ငံရေး သမိုင်းတွင် အရုပ်ဆိုး အကျည်းတန်သည်”ဟု သူရဦးရွှေမန်းပြော

Posted on

နိုင်ငံရေးပါတီများ သည် ရန်သူ ၊ ရန်ဘက်များ မဟုတ်ကြဘဲ နိုင်ငံအကျိုး ပြည်သူ့အကျိုးအတွက် ရှေ့ရှုဆောင်ရွက် နေသည့် နိုင်ငံရေး မိတ်ဖက်၊ လုပ်ဖော် ကိုင်ဖက်များသာဖြစ်သည်ဟုခံယူထားကြောင်း၊ အချင်းချင်း အပြုတ်တိုက်မည် အပြတ်ရှင်းမည်ဆိုပြီး လုပ်ဆောင်ခဲ့ကြသည်မှာ မြန်မာ့နိုင်ငံရေးသမိုင်းတွင် အရုပ်ဆိုးအကျည်းတန်ကြောင်း ပြည်ထောင်စုကောင်းကျိုးဆောင်ပါတီ ခေါင်းဆောင် သူရဦးရွှေမန်းက ဇူလိုင် ၁၀ ရက်တွင်ပြောသည်။

ရမည်းသင်းမြို့နယ်၊ ဝါတိုးရပ်ကွက်၊ စည်ပင်သာယာလမ်းရှိ မြို့နယ်ပါတီရုံး၌ ကျင်းပပြုလုပ်ခဲ့သည့် လူထုတွေ့ဆုံပွဲတွင် သူရဦးရွှေမန်းက ယင်းသို့ပြောကြားခဲ့ခြင်းဖြစ်သည်။

ပြည်ထောင်စုကောင်းကျိုးဆောင်ပါတီသည် နိုင်ငံ့အကျိုး၊ ပြည်သူ့အကျိုးအတွက်ဆိုလျှင် မည်သည့်ပုဂ္ဂိုလ်၊မည်သည့်ပါတီ၊ မည်သည့်အဖွဲ့ အစည်းနှင့်မဆို ညှိနှိုင်းပူးပေါင်းဆောင်ရွက်မည်ဖြစ်
ကြောင်း၊တစ်နည်းအားဖြင့်ဆိုရလျှင် နိုင်ငံ့အကျိုး၊ ပြည်သူ့အကျိုးကို ရှေ့ရှု့ဆောင်ရွက်ခြင်းမပြုဘဲ မိမိအတွက်သာ ရှေ့ရှု့လုပ်ဆောင်သော ပုဂ္ဂိုလ်၊ ပါတီ၊ အဖွဲ့အစည်းများနှင့် ပူးပေါင်းလက်တွဲခြင်း ပြုမည်မဟုတ်ကြောင်းလည်း ၎င်းကဆိုသည်။

နိုင်ငံ့အကျိုး၊ ပြည်သူ့အကျိုးနှင့် မိမိတို့ပါတီအကျိုး ယှဉ်လာလျှင် နိုင်ငံ့အကျိုး၊ ပြည်သူ့အကျိုးကို ဦးစားပေး ဆောင်ရွက်မည်ဟု ခံယူထားကြောင်း၊လွတ်လပ်ရေးရပြီးချိန်မှစ၍ သမိုင်းစဉ်တလျောက်တွင် အချို့သောပါတီများသည် ” ငါနှင့်မတူ ငါ့ရန်သူ” ဟူ၍ ပါတီအချင်းချင်း ရန်သူရန်ဘက်သဖွယ် သဘောထားကြသည်များ ရှိကြောင်းလည်း သူရဦးရွှေမန်းက ဆက်လက်ပြောကြားခဲ့သည်။

ref:The Ladies News