အမေရိကန် စစ်တပ်မှာ စတင် အသုံးပြုနေပြီဖြစ်တဲ့ ငရဲပန်းဒုံး လက်နက်သစ်

Posted on

“ဒီ ဓားသွားဒုံး ကျည်ဟာ လမ်းမပေါ် ပြေးလွှားနေတဲ့ ရန်သူကို သတ်ဖြတ်ဖို့ ACME ကော်ပိုရေးရှင်းက ဒီဇိုင်းဆွဲ ထုတ်လုပ်မှု တစ်ရပ်ဖြစ်ပုံ ရပါတယ်။”အမေရိကန်နဲ့ CIA တို့ရဲ့ လက်နက်သိုက်မှာ လက်နက်သစ်တစ်မျိုးကို ပိုင်ဆိုင်ထားပါပြီ။ ဒါကတော့ ဗုံးတစ်လုံးပေမယ့် မပေါက်ကွဲတဲ့ ဗုံးပါ။ ပေါက်ကွဲသတ်ဖြတ်တာအစား ထိမှန်တာနဲ့ ချွန်မြထက်ရှတဲ့ ဓားသွားတွေ ထွက်လာပြီး ပစ်မှတ်ထားတဲ့ ရန်သူကို ဝှေ့ယမ်းပိုင်းခုတ်ပစ်လို့ ဇီဝန်ချုပ်စေတာ၊ ကိုယ်လက်ပြတ်ရှကုန်တာတွေ ဖြစ်စေတဲ့ ဗုံးသစ်ပါပဲ။

အမေရိကန်ရဲ့ ဒုံးလက်နက်တွေမှာ ငရဲပန်းလို့ ခေါ်တဲ့ Hellfire Missile ကို အားတစ်ခုအနေနဲ့ အဓိကထားပါတယ်။ အခုဗုံးကတော့ ငရဲပန်းဒုံးလက်နက်သစ်ဖြစ်ပြီး R9X Hellfire Missile လို့ ခေါ်ကြောင်း The Wall Street ဂျာနယ်က ကြာသပတေးနေ့က ဖော်ပြပါတယ်။

ဒီ ဓားခုတ်ဗုံးကို ပင်တဂွန်ရယ်၊ CIA ရယ်ဟာ တစ်ကြိမ်စီ အသုံးချဖူထားပြီးလို့ ဆိုပါတယ်။ အရပ်သား အသေအဆုံးကို လျှော့ချနိုင်အောင် တီထွင်ထားတဲ့ လက်နက်သစ်ပါတယ်။
ဒီဒုံးလက်နက်ရဲ့ ထိပ်ဖူးဟာ ပေါက်ကွဲတာမျိုး မဟုတ်ဘဲ သူ့ကို ပစ်လွှတ်လိုက်တဲ့ လမ်းကြောင်းကို ဖြတ်ပျံသွားပြီး ပစ်မှတ်ကို မထိခင် ဒုံးထိပ်ဖူးကနေ ဓားသွားခြောက်လက် ထွက်လာလို့ ပတ်ဝှေ့ယမ်းပစ်လိုက်တာ ဖြစ်ပါတယ်။

“ကောင်းကင်အမြင့်တစ်နေရာကနေ ပစ်မှတ်ဆီကို ပစ်လွှတ်လို့ရတဲ့ ဒုံးလက်နက်ပဲ ဖြစ်ပါတယ်။”လို့ ဂျာနယ်က ဖော်ပြပါတယ်။
အမေရိကန်တပ်ဖွဲ့တွေရဲ့ ပြည်ပက ဒရုန်းစစ်ဆင်ရေးတစ်ချို့မှာ ထိမှန်တဲ့ ပစ်မှတ်တွေဟာ ထူးဆန်းတဲ့ ပျက်စီးဆုံးရှုံးမှုပုံစံမျိုးတွေ တွေ့ရဖူးတာဟာ အခု R9X ငရဲပန်းဒုံးသစ်ကို သုံးပြီး တိုက်ခိုက်ထားတဲ့ လက်ချက်တွေဖြစ်နိုင်တယ်လို့ ဆုရသတင်းထောက်နဲ့ သုတေသီလည်းဖြစ်တဲ့ နစ်ဝေါတာက မှတ်ချက်ပြုပြောပါတယ်။

“အယ်ခေးဒါး ဒုတိယခေါင်းဆောင် အဘူခါယာအယ်မာစရီရဲ့ ကားကို ဒုံးကျည်ထိမှန်လို့ ရခဲ့တဲ့ ဒဏ်ရာဒဏ်ချက်တွေဟာ ပေါက်ကွဲပျက်စီးတာထက် ဓားနဲ့ ခုတ်ပိုင်းထားသလိုမျိုး ဖြစ်နေတာ ကျွန်တော်အတွက် ပဟေဠိ ဖြစ်ခဲ့ဖူးတယ်။ ခုတော့ ဒါဟာ ငရဲပန်းဒုံးလက်နက်သစ်က ဓားသွားတွေကြောင့်ဖြစ်မှန်း သိရတယ်။”လို့ နစ်ဝေါတာက ရေးသားထားပါတယ်။

Rf; RawStory
Writer_မောင်သံဆင့် ( Daily Hot News )